Menu

“Газар-Улсын үндэс” сэдэвт үзэсгэлэн нээлтээ хийнэ

Монгол улсын хил нь Хүннү гүрний үеэс бүрэлдэн бий болсон бөгөөд XVII зууны эхний хагас хүртэл хадгалагдсаар иржээ. XVI зууны дундуур Гэрсэнз жалайр хунтайжийн эзэмшлийг түүний 7 хөвгүүнд хуваан захируулснаар Халхын 7 хошуу, анхны 3 аймгийн эх үүсвэр тавигдсан байна. 1691 онд Манж Чин улсад Халх Монгол дагаар орсны дараа Манжийн төрөөс Халхын хошуудыг жижиглэн олшруулснаар хошуудын тоо 86-д хүрч, мөн Ховдын хязгаарыг байгуулан шинээр хошуудыг байгуулах болсноор Ар Монголын аймаг, хошуудын хилийн заагийг нарийн тодорхой болгож, хилийн овооны цэс үйлдэн, баталгаажуулах шаардлага гарсан. Энэ үүднээс аймаг, хошуу, өртөө, харуулын газрын зураг, нутгийн цэсийг үйлдэж ирсэн нь эдүгээ Монголын түүх судлалын судалгааны чухал сурвалж болж байна.

Дэлгэрэнгүй...

“Лигдэн хааны үеийн Монгол ганжуур” сэдэвт семинар боллоо

2017 оны 8 сарын 17-нд “Академич Ц.Дамдинсүрэнгийн нэрэмжит тэтгэлэг”-т шалгарсан ОХУ-ын Дорно дахины гар бичмэлийн хүрээлэнгийн эрдэм шинжилгээний ажилтан, доктор Туранская Анна Александровна “Лигдэн хааны үеийн Монгол ганжуур” сэдэвт илтгэл хэлэлцүүллээ.

Тус семинарт МУИС, ШУА-ийн Хэл зохиолын хүрээлэнгийн багш, эрдэм шинжилгээний ажилтан болон гадаад, дотоодын эрдэмтэн судлаачид оролцож, Монгол ганжуурын судалгааны тухай сонирхолтой яриа өрнүүлж, санал бодлоо хуваалцлаа. 

Дэлгэрэнгүй...

Ц.Төрбат: Бид археологигүйгээр түүхээ төсөөлөхийн аргагүй

Шинжлэх ухааны академийн Түүх, археологийн хүрээлэнгийн Хүрэл, төмрийн судалгааны салбарын эрхлэгч, түүхийн ухааны доктор Ц.Төрбаттай хөөрөлдлөө.

-Бидний оршин буй нийгэмд археологичид ямар үүрэгтэй хүмүүс вэ. Археологийн шинжлэх ухааны ач холбогдол нь юу байдаг юм бэ?
-Археологийн судалгаа, археологийн шинжлэх ухааны бүтээж буй мэдлэггүйгээр зарим түүхэн үеийг судлах боломжгүй юм. Жишээлбэл, Монголын түүхийг дан ганц бичгийн сурвалжаар судлах юм бол Хүннүгийн үеэс урагшаа судлах боломжгүй болчихно. Тэгэхээр Монгол нутагт хүн анх үүссэн, хэрхэн тархан амьдарч байсан асуудал, Монголоор дамжуулаад Зүүн хойд Азийн бүс нутаг, дэлхийн бөмбөрцгийн умард хагаст хүн амьдарч байсан түүхийг зөвхөн археологийн судалгаанд үндэслэж л тогтооно.

Дэлгэрэнгүй...

Гадаадын залуу монгол судлаачдын зуны сургууль-2017

1989 оноос эхлэн жил бүр уламжлал болгон зохион явуулдаг “Гадаадын залуу монгол судлаачдын зуны сургууль”-ийг энэ жил 7 дугаар сарын 23-наас 8 дугаар сарын 05-ны хооронд БСШУС-ын сайдын тушаалаар томилогдсон ажлын хэсэг Монгол дахь монгол судлалын голлох төвүүдтэй хамтран амжилттай зохион байгууллаа.

Дэлгэрэнгүй...

Олон Улсын Алтай Судлалын хурал /SIAC/ болж байна

2017 оны 7 сарын 13-аас 7 сарын 16-ны өдрүүдэд Олон Улсын Алтай Судлалын хурал /The 13th Seoul International Altaistic Conference/  Улаанбаатар хотноо хуралдаж байна.  Монгол Судлалын Үндэсний зөвлөл, МУИС-Монгол Судлалын хүрээлэнгээс зохион байгуулж буй тус хурлыг Солонгосын Алтай Судлалын Нийгэмлэг, МУИС, Монгол хэл, хэлшинжлэлийн тэнхим, ШУА-Хэл Зохиолын Хүрээлэн,  Сөүлийн Их Сургууль Алтай судлалын хүрээлэн, МУБИС Монгол судлалын сургуулиуд хамтран зохион байгуулж байна. Ази, Европын 10 орны 50 орчим эрдэмтэн судлаачид 5 салбараар хуралдан, эрдэм мэдлэгээ хуваалцаж байна.   

 

Дэлгэрэнгүй...

"Зохиолч, сэтгүүлч С.Товуудоржийн хүүрнэл зохиолын туурвилзүй" эрдэм шинжилгээний бага хурал болно

"Зохиолч, сэтгүүлч С.Товуудоржийн хүүрнэл зохиолын туурвилзүй" эрдэм шинжилгээний бага хурал 2015 оны 4 дүгээр сарын 24-ний 14 цагт Монголын хүүхдийн номын ордонд болох гэж байна. Уг хурлыг ШУА-ийн Хэл зохиолын хүрээлэн, Улаанбаатарын Их сургууль, Монголын үндэсний чөлөөт зохиолчдын холбоо, Хүүхдийн номын ордон хамтран зохион байгуулж буй юм. 

Дэлгэрэнгүй...

Сурган хүмүүжүүлэгч, монгол судлаач З.К.Касьяненкогийн 90 насны ойд зориулсан олон улсын эрдэм шинжилгээний хурлын удирдамж

Санкт-Петербургийн Их сургуулийн дорно дахины факультетийн Монгол, төвд судлалын тэнхимд 50 гаруй жил багшилж, амьдралынхаа тэн хагасыг монгол судлалд зориулсан эрдэмтэн, багш Зои Кононовны Касьяненко гуайн 90 насны ой 2015 оны 11 сард тохиох гэж байна. Эдүгээ түүний олон арван шавь ОХУ болон гадаадын улс орнуудын Монгол судлалын төвүүдэд амжилттай ажиллаж байгаа юм. Мөн тэрбээр монгол хэл шинжлэлийн чиглэлээр эрдэм шинжилгээний ажил, сурах бичгүүдийг бичиж, зохиож ирсэн, Монгол Улсын Засгийн газрын хүндэт шагнал болох Алтан гадас одонт эрхэм багш, эрдэмтэн судлаач билээ. 

Дэлгэрэнгүй...

Эрдэм шинжилгээний хурал болно

Монгол хэл шинжлэлийн ахмад эрдэмтэн, профессор Халтарын Лувсанбалдангийн мэндэлсний 90 насны ойд зориулсан “Бичиг үсэг ба сурвалж судлал” эрдэм шинжилгээний хурал болно. Хурлын үеэр түүний судалгааны бүтээлийн нээлт болох юм. Эрдэм шинжилгээний хурал 2015 оны 11 дугаар сарын 5-ний өдөр 14 цагт ШУА-ийн хүрээлэнгүүдийн I байрны 410 тоот танхимд болно.

Холбоо барих: 99054690, и-мэйл: This email address is being protected from spambots. You need JavaScript enabled to view it.

Дэлгэрэнгүй...

Эрдэм шинжилгээний хурал болно

Хэл бичгийн ухааны доктор ХАЛТАРЫН ЛУВСАНБАЛДАНЫ мэндэлсний 90 жилийн ойд зориулсан “СУРВАЛЖ БИЧИГ, НУТГИЙН АЯЛГУУ СУДЛАЛ” эрдэм шинжилгээний хурал болох гэж байна. Хуралд доктор (Ph.D) О.Самбуудорж “Халтарын Лувсанбалданы эрдэм судлалын бүтээл”, доктор (Ph.D) Б.Түвшинтөгс “Халтарын Лувсанбалданы эрдэм шинжилгээний ажлын өнөөгийн ач холбогдол”, Р.Отгонбаатар “Соёмбо үсгийн бичлэгийн зарим онцлог”, доктор (Ph.D) На.Сүхбаатар “Монголын түүхийн сурвалж судлал ба Халтарын Лувсанбалдан”, доктор (Ph.D) Б.А.Бичеев “Учение о пустоте в “сутре золотого света”, доктор (Ph.D) Ц.Батдорж “Монгол хэлний “б”, “г”, “д” гийгүүлэгчдийг туршин судалсан дүн”, Жамьян Шарапович Санжанов “Лексико-синтаксический способ словообразования общественно-политической лексики бурятского языка”, доктор (Ph.D) Д.Соронзон “Эгшиг авиа сэлгэж байсан эртний нэгэн үзэгдлийн тухай”, Ж.Ганбаатар “Монгол хэлний үйлдүүлэх хэвийн бүтээврүүдийн байрын асуудалд” зэрэг илтгэлүүд тавигдах юм.  

Дэлгэрэнгүй...
Subscribe to this RSS feed
Info for bonus Review bet365 here.

МЭДЭЭЛЭЛ АВАХ

Нэр:
И-мэйл:

Төрийн байгууллага

Их сургууль

Судалгааны төвүүд

ТББ